ग्रामीण व शहरी भागातील रुग्णांना उच्च दर्जाच्या आरोग्य सेवा एकाच छताखाली मिळाव्यात या उद्देशाने, येथील प्रसिद्ध 'कोठाळकर हॉस्पिटल क्रिटीकेअर व दातांचा दवाखाना' (आय.सी.यू. / ट्रॉमा व इमर्जन्सी सेंटर) च्या वतीने भव्य 'मोफत सर्व रोग निदान व उपचार शिबिराचे' आयोजन करण्यात आले आहे. हे शिबिर रविवार, दि २१ जून २०२६ रोजी सकाळी १० ते दुपारी २ वाजेपर्यंत आयोजित करण्यात आले असून, परिसरातील नागरिकांनी या सुवर्णसंधीचा लाभ घ्यावा, असे आवाहन कोठाळकर हॉस्पिटलच्या वतीने करण्यात आले आहे.
या शिबिरामध्ये जालना आणि परतूर येथील विविध रोगांवरील तज्ज्ञ व नामांकित डॉक्टर रुग्णांची मोफत तपासणी व उपचार करणार आहेत. यामध्ये प्रामुख्याने हृदयरोग तज्ज्ञ डॉ. विष्णू एच. भुते, आर. व्ही. मेडीकेअर, जालना), मेंदू विकार तज्ज्ञ डॉ. प्रल्हाद धारूरकर, न्यूरे सर्जरी, परिनिका न्युरोकेअर, जालना), अस्थिरोग व फ्रॅक्चर तज्ज्ञ डॉ. अरविंद म्हस्के, विघ्नहर्ता हॉस्पिटल, जालना), किडनी विकार तज्ज्ञ डॉ. संदीप प. देशमुख, आशुतोष हॉस्पिटल, जालना), डॉ. सतिश चव्हाण, चव्हाण हॉस्पिटल, परतूर), डॉ. अर्जुन अ. साबळे आणि दंत व मुख रोग तज्ज्ञ डॉ. शितल अ. साबळे हे आपली तज्ज्ञ सेवा देणार आहेत.
या शिबिरादरम्यान रुग्णांची मोफत रक्तदाब, शुगर आणि ई.सी.जी. तपासणी केली जाणार असून विविध आजारांवर उपचार व निदान करण्यात येईल. यामध्ये २४ तास ऑक्सिजन सुविधा, सुसज्ज आय.सी.यू. विभाग, आपत्कालीन विभागात हृदयविकार निदान व उपचार तसेच सर्पदंश व विंचूदंश यांसारख्या विषबाधेवर तातडीचे उपचार केले जातील. यासोबतच पॅरालिसिस व फिट्स येणे यांसारखे मेंदूविकार, दमा, टी.बी. व छातीत पाणी होणे यांसारखे फुफ्फुसाचे आजार, साथीचे रोग, पोटात पाणी होणे यांसह पोटाचे विकार आणि किडनीच्या आजारांवर विशेष उपचार व मार्गदर्शन केले जाईल. तसेच हॉस्पिटलमध्ये २४ तास लॅबोरेटरी आणि औषधींची सोय देखील उपलब्ध असेल.
या शिबिरात दातांच्या आजारांवरही अत्याधुनिक दंत उपचार उपलब्ध आहेत. यामध्ये डिजिटल एक्स-रे मशीन, अत्याधुनिक पद्धतीचे रोटरी, सिस्टीम रूट कॅनाल, अल्ट्रासोनिक मशीनद्वारे दात साफ करणे, दात व हिरड्यांचे सर्व उपचार आणि जबड्याच्या सर्व शस्त्रक्रियांची उत्तम सुविधा दिली जाईल.
हे शिबिर 'कोठाळकर हॉस्पिटल क्रिटीकेअर व दातांचा दवाखाना, परतूर-वाटूर रोड, रेल्वे स्टेशन जवळ, बालाजी नगर, परतूर जि. जालना' येथे संपन्न होणार आहे. अधिक माहिती व नाव नोंदणीसाठी नागरिकांनी ८४८२९४७५९४ किंवा ९६३७२१३९६९ या क्रमांकांवर संपर्क साधावा, असे आवाहन आयोजक डॉ. अर्जुन साबळे व डॉ. शितल साबळे यांनी केले आहे. आरोग्य सुविधेपासून वंचित असलेल्या गरजू रुग्णांसाठी हे शिबिर अत्यंत फायदेशीर ठरणार आहे.
